_Plataforma polo Galego na Informática
Interesa-nos contactar con xente que posua coñecimentos lingüísticos para colaborar na elaboración e tradución de materiais bibliográficos relacionados coa informática e as telecomunicacións: libros, apuntamentos, manuais, etc. Asemade precisamos persoas que colaboren na recopilación de léxico técnico para a elaboración dun glosário.
Colaborando na revista Trillas Formatadas.
Tes coñecementos técnicos relacionados coa informática, as telecomunicacións e as suas aplicacións? Gostarias de escreber sobre algún deses temas? Logo podes colaborar na nosa revista. Tamén gostaríamos de contar con xente con coñecementos de maquetación.
Axudando-nos na programación de ferramentas software.
Gostariamos de contactar con programadores interesados en criar software de libre distribución: programas educativos, correctores, glosários, bancos de dados (BDs), xogos, etc. para a criazón dun fondo de libre distribución de programas en galego.
Colaborando na recopilación de información.
Podes axudar-nos recollendo e comunicando-nos aquelas notícias relacionadas cos obxectivos da
PGI que aparezan nos diferentes meios de comunicación para a elaboración periódica dun Informe sobre a situación do Galego na Informática. Asemade estamos interesados en receber enderezos de sítios na Internet que teñan recursos ou realicen actividades relacionadas coas da PGI. Axudando-nos a manter as nosas páxinas WWW.
Se sabes deseñar páxinas WWW, podes participar no mantemento, mellora e dinamización da documentación en liña da que dispón a
PGI.
Ademáis de todas estas posíbeis colaboracións estamos abertos a calquer nova idea que siga a liña das aquí expostas. Para máis información sobre posíbeis colaboracións, consultar o apartado adicado às actividades da
PGI.